Thmu ka Citroën ban pynmih sa kumba 200 tylli ki jaka die bad ki jaka ai jingshakri kat ha kaba kut jong ka snem 2024

Ka Citroën, kaba long kawei na ki kompany ka ri France ka la long kaba la pynkhreh ban buh haduh 200 tylli ki jaka die kali bad ki jaka ban ai jingshakri ia ki kali kat ban kut ka snem 2024. Kane ka sienjam treikam kaba thmu ban wanrah jingkylla ka pyni ia ka jingtrei minot jong kane ka kompany ka long ba ka kwah ia ki birew kin ioh ban mad ia ka jingbha jong ka Citroen bad ka kwah rh ban pyniar ia ka jingdon jong ki nongthied ha kylleng ka ri. Ka Citroën ka la pynbna ban pyniaid ia ka kam ha palat 140 tylli ki iew khnang ba yn lah ban wanrah ia lad ki lynti bad ki jingshakri kham jan sha ki nongthied. 

Ka Citroën ka thmu ban pyniar ia ka jing treikam ha India da kaba wanrah shuh shuh sa palat 200 tylli ki jaka die kali ha kylleng ki jaka sor, ki khap sor bad ki jaka nongkyndon, kaba long ka jingkiew kaba 400% nak aba long mynta 58 tylli. Ka jingthmu jong kane ka jingpyniar ka long ban ai sha ki nongthied ia kaei kaei ba bha tam bad wanrah ia ki buit treikam thymmai ne ka rukom die kaban iahap bad ki iew ha ki thup bapher bapher. Ka Stellantis ka la dep ban bei 2,000 klur tyngka ka pisa India ha Citroën, kaba la long ka shnat hapoh jong ka Citroën, kaba pyni ia ka jingtrei minot sha ka jingkyntiew ia ka India. 

Ka jingbei tyngka ka pynpaw ia ka jingangnud ka Citroën ban wanrah jingkylla bad ba lah ban kner ki jingshakri sha ki nongthied, kaba pynlong ia ki mar jong ka bad ki jingshakri jogn ka kiba lah ban ioh da baroh. Haba kren shaphang ka jingpyniar ia ka jingshakri U Shishir Mishra, Brand Director, Citroën India, u ong, “Ngi thmu ym tang ban kurop ia ki lad ki kaba kiba dang shu mih hynrei ban noh synniang ruh sha ki kam ban kyntiew ia ka roi ka par ha ka imlang sahlang jong ki sor kiba kham rit, kaba wanrah ia ka roi ka par bad ka jingkynthup lang ia baroh ha kylleng ki bynta.”