Ka Youth Hostel Association of India (YHAI) Meghalaya State Branch bad ka Ri Bhoi Adhoc Unit ryngkat ka SSCPM hynni ka sngi ka Saitjain ki la pynlong ia ka prokram thung dieng kum shibynta ban rakhe ia ka World Invironmemt Day ha St. Paul Parish, Mawlasnai, Ri Bhoi Dsitrict. Ha kane ka sngi u National vice Chairman ka YHAI, bah ED Nongsiang ula ai ka jingkren lyngkot shaphang ka YHAI bad pynshlur ia ki samla ban long ki dkhot jong ka YHAI, kumjuh halor ka jingrakhe ia ka World Invironmemt Day na bynta ban pynneh ia ka mariang bad ki jingdon jingem jong ka.
La ioh ruh ka jingkren na u Fr. Sebastian Kharmawphlang Parish Priest St. Paul Parish Mawlasnai halor ka prokram ban ialap pynneh ia ka mariang na bynta ka lawei bad kyntu ia ki dkhot ka YHAI ban pynlong ia kum kine ki prokram ia ki samla ha Ri Bhoi District.
Shwa ban thung dieng la pynlong ia ka jingialang ba lyngkot ba la pyniaid da u bah AM Shadap Chairman ka YHAI East Khasi Hills Unit bad ia ki kyntien pdiang la ioh na u bah Seibor Syiem Convenner YHAI, Ri Bhoi District Adhoc Unit katba u bah Elisius Syngkli President ka Seng Samla St. Paul Parish Mawlasnai ula ai ki kyntien ai khublei ia ki nongiashim bynta ha kane ka prokram thung dieng.
