Ka heh ka BJP ki la thung ia u National Secretary bad u nongaiktien ka seng u Anil Antony kum u nongialam bathymmai (Prabhari) ka jylla Meghalaya bad Nagaland ha jaka u National Vice president ka BJP u Chuba Ao, uba long kum u nongpeit ia ka thain lammihngi naduh u bnai Nohprah, 2019. 2020.
Katkum ka khubor u Anil u dei u khun jong u nongïalam ba rangbah ka seng Congress bad u myntri kam pohiing barim u AK Antony, u la pyniasoh bad ka BJP ha u bnai Risaw 2023, ula ïakhun ha ka elekshon Lok Sabbha dangshen na Pathanamthitta konstitwensi ha Kerala hynrei ula shah rem bad ula ïoh bat ïa ka kyrdan balai.
U Anil u dei u nongpynïaid ïa ka kynhun social media jong ka Kerala Congress bad u la iehnoh ïa baroh ki kam ka Kerala Pradesh Congress Committee (KPCC) ba pyrshah ïa ka documentary jong ka BBC halor ki jingkulmar ha Gujarat ba iadei bad u Myntri Rangbahduh ka Ri u Narendra Modi.
