Ki don 11 tylli ki karkhana dewbilat kynthup ki Coke Factory hapoh Meghalaya kiba treikam mynta ha kyrteng jong ki Director trai shnong bad ha ka kyrteng ki paralok trai shnong jong ka kompani ba iatreilang.
Kine ki karkhana ki kynthup ia ka Star Cement Ltd, Meghalaya Cement Ltd, Amrit Cement Ltd, Dalmia Cement Ltd, Green Valley Industries Ltd, Hills Cement Company Ltd, Star Cement Meghalaya Ltd, Megha Technical & Engineers Pvt Ltd, Jaintia Cement Ltd, Goldstone Cements Ltd, M/s RNB Cements Ltd.
Ki 4 tylli ki karkhana dewbilat ki bym treikam shuh haduh mynta ki kynthup ka M/s JUD Cements Ltd ha East Jaintia Hills, ka M/s Virgo Cements Ltd ha North Garo Hills District, M/s Billenniun Cements Ltd North Garo Hills bad ka M/s Mawmluh Cherra Cements Ltd ha East Khasi Hills.
Ia kane la pyntip da u Symbud Myntri Rangbah ka Jylla u Bah Sniawbhalang Dhar hynne ka sngi hapoh ka iing dorbar haba jubab ia ka Zero Hour Notice ba la wanrah da u MLA ka VPP na North Shillong constituency u Bah Adelbert Nongrum.
