Ka jingshah pynjulor kiba bun haki bynta bapher bapher jong ka Rilum Jaiñtia lyngba ka jingwan lynshop u slap ba jur ha ryngkat ka eriong kaba la bteng haduh ka 29/05/24 ha Jowai, la sakhi ba ka kynroh jong ka skul Govt Girls Higher Secondary School Jowai, kaba don ha Chutwakhu ruh kala shah ktah ha une u slap bad eriong namar haka por janmiet ka 29/05/24 bala kem dum ka bneng kumjuh ka por ba jur bha u slap ka kynroh jong kane ka skul kala twa.
Namar ba kane ka kynroh ka don syndah bad ka surok iaid kali, la sakhi ba ki khyndew ba don hapoh u surok ruh kila tuid lang kaba la pynlong ia u surok ban long krang shapoh khrum.
Bad kumba long mynta kane ka surok kala buh jingma iaki kali ba iaid ba ieng namar ha kano kano ka por lah ban twa sa u surok kali.
Shuh shuh lada twa sa u surok yn sa shah ktah ruh sa u Pipe um PHE namar hapoh khrum une u surok la iohi iaki pipe um PHE ba heh bad barit.
