U CEO ka NSE u ai khublei snem thymmai ia baroh

U Ashishkumar Chauhan, MD bad CEO jong ka National Stock Exchange (NSE) u ai khublei ia baroh ban ioh ia u snem thymmai ba bha, bad pynshlur ban nang roi nang par ha ka liang ka ioh ka kot da ka jingiohi jngai ia ka kam bad ka jingtrei minot. U la kyntu ruh ba donkam ban treikam tang bad ki shnat ai jingshakri ba la pynrung kyrteng bad ban kiar na kiei kiei kibym pat shym la pynrung kyrteng. U la kyntu ruh ia baroh ba kidei ban shimkhia, bad kiar na kino kino ki jingkheng pisa kiba don jingma, bad dei ban long kiba iashim bynta lang ban trei radbah na ka bynta ha ka khana jong ka jingkiew ka India.

Shuh shuh, u la bynrap “Katba ngi jam sha une u snem thymmai, ka National Stock Exchange ka ai khublei ia baroh. Ka NSE ka pynshlur ia ki briew ba kin iaid ha ka lynti jong ka jingkiew ha ka liang ka ioh ka kot da ka jingiohi jngai bad da ka jingtrei minot. Dei ban iatreikam tang bad ki shnat kiba la pynrung kyrteng bad ym dei ban kheng pisa ha kino kino ki liang ki bym pat ithuh. Ka jingkheng pisa lyngba ka stock market ka long na ka bynta ban ioh ban kot kaba iaineh. Ka jingiakynduh ia kino kino ki jingjia ki bym sngewtynnad ka lah ban pynduh mynsiem wat ia ki nongkheng pisa kiba la iaineh bha, bad kane ka pynlong ia ki briew ba ki donkam ban leh ia kine ki bynta ryngkat ka jingshim khia khamtam lada phi dei iba dang thymmai ha ka iew jong ka stock market bad ba phim pat long iba tbit ha kane ka liang.

Kiar na kino kino ki jingdeh kiba iadei bad ka jingkheng pisa ha kiei kiei kiba kham don jingma lane ban ia khaii na ka por sha ka por ha ka iew jong ka stock market. To long I nongiashim bynta iba trei shitom ban noh synniang ha ka khana jong ka jingkiew ka India, bad prat lynti na ka bynta ka lawei ba phyrnai. Ka jingkheng pisa kaba jrong kham bunsien ka ai ruh ia ka nong kaba bha bad kane ka long katkum ka jingiashem ha ka por ba la dep. Nga ai khublei snem thymmai 2024 basuk bad bakmen  ia baroh.”