U President ka BJP Meghalaya State u kyntu ia ka HNLC ban bteng ia ka jingiakren ia suk

U State President jong ka BJP ha Meghalaya u Rikman G Momin mynta ka sngi u la ong ba ka jylla Meghalaya ka don kam ia ka jingshong suk shnong shngian, u kyntu ia ka seng lehnoh HNLC ba kan wan ha ka miej jingiakren ia suk.

Haba jubab ia ki jingkylli la ong ba yn nym lah ban jubab ei ei ia mynta namar dang iohi ia kane ka jingwengnoh ka seng HNLC na ka jingiakren ia suk mynnon ka jan miet, hynrei na ka liang ka seng ka kyntu ia ka HNLC ba kan dang iai bteng ia ka jingiakren ia suk bad ka sorkar jylla lane bad ka sorkar pdeng.

Kum ka jylla ka don kam ia ka jingshong suk shnongsian, yn nymlah ban duh ia ka jingsuk na ka liang jong ka party sa shisien ka kyntu ia ka seng HNLC ba kan dang ia bteng ia ka jingiakren ia suk.

U nongialam ka BJP u Dr. M Chuba Ao u ba la don lang ha ka jingiakren bad ki lat pathai khubor ha Polo Towers u la ong ba ka jylla ka don kam ia ka jingshong suk u ruh u kyntu ia ka seng HNLC ban bteng ia ka jingiakren ia suk.

Lah ban pynkynmaw ba ka seng HNLC kala phah ia ka shithi sha ka tnad kam poh iing ka sorkar pdeng lyngba jong u A.K Mishra ba ka seng kala wengnoh na ka jingiakren ia suk halor ki san tylli ki daw kiba kala dep ban phah sha ka sorkar bad kawei na kita ka long ban map noh ia baroh ki jingujor pyrshah ia ki dkhot ka seng.