U Chief Executive Officer (CEO) ka Shillong Municipal Board (SMB) ula ujor da ka ejahar ha u Superintendent of Police, East Khasi Hills District, Shillong pyrshah ia ki briew kiba lum pisa be-aiñ na ki nongdie madan ha ka kyrteng jong ka SMB.
U CEO ula pyntip ba ka ophis kala ioh pdiang ia ki jingtip ba kila don ki briew kiba ym lah ban ithuh satia kila lum pisa da kaba ai ia ka risit kaba thok kaba don ia ka kyrteng jong ka SMB na ki nongdie madan ha kaba iadei bad ka jingrejistar ne jingpynrung kyrteng ia ki nongdie madan, kaba ka Town Vending Committee (TVC) lyngba ka ophis ka SMB ka dang pynlong ia ka jingjurip katkum ka Meghalaya Street Vending (Protection of Livelihood and Regulation of Street Vending) Scheme, 2023.
U CEO ula pyntip ba kam shym la don kano kano ka jingshim pisa na ka bynta ka jingleh Registration na ka liang jong ka TVC bad ka ophis kala ioh pdiang ruh ia ka jingujor na ka Meghalaya & Greater Shillong Progressive Hawkers & Street Vendors Association (MGSPHSVA).
Ha kaba iadei abd katei, u CEO ka Shillong Muncipal Board ula ujor da ka ejahar ha ka ophis jongu Superintendent of Police, East Khasi Hills District ryngkat bad ka kyrpad ban shimkhia ban leh da kaba tyngeh ia ki briew kiba donkti katkum ki kyndon aiñ.
