U Myntri ka tnat Bording u AT Mondal ula pyntip ba ka Sorkar Jylla ka dang wad ki lad ki lynti ban pynim biang ia ka Porject pynmih Bording ha wah Kynshi, Eastern West Khasi Hills. Ia kane u Mondal ula pyntip hadien ka jingialang bad ka Joint Committee of Local People on Kynshi Hydro Power Project (JCLPKHPP) kaba la pan jingpynshai halor ka Project Kynshi Hydro Power Project stage-I. Haba kren sha ki lad pathai khubor u Mondal ula iathuh ba ka jingialang ka long kaba seisoh namar ka JCLPKHPP ki la pynthikna ba kin iatreilang bad ka Sorkar lada lah ban pynim ia ka Kynshi Hydro Power Project stage-I.
“Nga la pyntip ia ki nongialam ka JCLPKHPP ba ia mynta kam don eiei hynrei ka Sorkar ka dang wad ki lad ki buit, kumno ban pynim biang ia ka Kynshi Hydro Power Project stage-I” la ong u Mondal. Ula iathuh ka Sorkar Jylla ka la shimkhia ban pynim bad pynkhlain ia ki Porject pynmih Bording ha jylla khnang ban pynthikna ka jingpahuh Bording hapoh ka Jylla.
Ha shuwa kane ka JCLPKHPP ka la kyntu ia u Myntri ka tnat Bording ban pan jingtip la ka don ne ne em kano kano ka jingthmu hadien ha bud ban pynim ia ka Kynshi Hydro Power Project. Ka JCLPKHPP ka la phah da ka jingthoh sha u Myntri Rangbah ka Jylla ban pyntip halor ka jingsah nud halor ka jingbym pyntrei kam ia ki project pynmih bording.
