U Nonghikai lane ba la ju tip ha ka ktien nongwei kum u Professor, u ba la ioh ia ka nam kum u Nonghikai ba khynnah tam hapoh ka pyrthei baroh kawei ba la tip kyrteng kum u Prof. Suborno Issac Bari na ka New York University, USA mynta ka 14 Tarik Nailar u la wan ban iuhkjat bad ban ia phylliew jingmut ruh bad ki palat hajar ngut ki samla pule ka skulbah University of Science and Technology Meghalaya (USTM) kaba don ha 9 Mer Baridua, Ri Bhoi District. Ha kane ka jingwan iuhkjat u ne u Nonghikai ba dang khynnah eh ha ka pyrthei u Suborno Issac Bari uba dang 11 snem ka kyrta, ula ai jingkren bad jingpynshai halor ka phang pdeng kaba ula paw ha kane ka pyrthei bad kata ka long ka “The Impact of Early Stem Education”. La sakhi ruh ha kane ka jingwan iuhkjat jong u ne u Nonghikai ba dang khynnah ha ka pyrthei, nalor ki samla pule ka USTM la wan ban ia shimbynta lang ruh da ki samla pule jong kiwei kiwei ki skul kiba don ha ka Khanapara bad kiwei kiwei kiba la shimbynta ha ka jingai jingkren jong u ne u Nonghikai u ba la jer kyrteng kum u stad saian
“Einstein of our time”. U Prof Bari un sa wan ban ia shimbynta ruh ha ka jingrakhe Independence Day kaba 78 jong ka skul Bah USTM ha ka 15 tarik Nailar. La wan ban synran lang ia u ne u Nonghikai khynnah da u kpa, u Rashidul Bari uba hikai hapoh ka Brooklyn Tech New York USA bad u Pranesh Debnath ba la mihkhmat na ka North East India Vyomika Space Academy (ISRO SPACE TUTOR) bad India coordinator.
Hadien ka jingiashimbynta jong u Prof. Suborno Issac Bari ban ia phylliew jingmut bad ki samla pule kane ka jylla Meghalaya ha USTM, u Chancellor ka USTM u Mahbubul Hoque, u la pynpaw ia ka jingkmen kaba khraw da kaba kam ba kane ka dei ka histori bad ka jingiohnong na ka bynta ki samla pule ka jylla khamtam ki samla pule ka skulbah USTM ban ia kynduh markhmat bad ruh ban ioh sngew ia ki jing batai jong u Prof. Bari halor ka phangpdeng kaba u la ioh ia ka jingithuh kaba kyrpang na ka pyrthei hi baroh kawei kum u Nonghikai ba khynnah eh hapoh ka pyrthei, bad kane ka jingwan iuhkjat jong u ne u Nonghikai ba khynnah eh ka pyrthei kan nang ai mynsiem shikatdei ia ki samla pule ba kin kiew ha ka lawei ka jong ki.
