Ia ka metiap u nongialam jong ka Youth Awami League na Bangladesh, u Ishaque Ali Khan Panna la ai sha kiba ha iing hynne ka sngi saitjain lyngba ka Dawki-Tamabil integrated check point ha kaba la jingdonlang ki ophisar pulit bad ki heh sorkar ka Jylla Meghalaya. U SP ka West Jaiñtia Hills u bah C. Syrti ula ïathuh ba ïa kane ka kam la pyndep ha ka por 11 baje mynstep bad ki briew ba la ai bor na Bangladesh ki la kit ia ka metiap da ka Ambulance.
U heh BSF ula iathuh ba la rah ia ka metiap sha ka shnong Nam, Banani, Dhaka. Shwa ia kane, u Symbud Myntri Rangbah ba peit ia ka tnat kam pohiing u Bah Prestone Tynsong ula ong ba namar ba ki suba dei ka jingshah pyniap, ki bor ka Forensic kin eksamin ban lap ia ka daw halor ka jingshah pyniap.
Ka tyllong khubor na ki pulit na East Jaiñtia Hills ka la ïathuh ba ki la dep ban shim ïa ki nongmuna na ka bynta ban eksamin ïa ka forensic, namar la suba jur ba utei u briew u don ka jingpang klong snam. Kum ban pynpaw ia ka met jong u Panna la lap ha ka 26 tarik Nailar ha kawei ka bri kwai ha East Jaintia Hills. Katei ka jingjia, ka long hadien ba u nongialam ka awami league bad ka myntri rangbahduh barim jong ka Bangladesh, ka Sheikh Hasina ka la shah weng noh na ka bor synshar.
