Ban nang kham pynphuh pynphieng shuh shuh ia kane ka aiom lehkmen na ka bynta ki nongthied kali, ka Toyota Kirloskar Motor (TKM) mynta ka sngi ka la wanrah ia ka Festive Edition ne ka jingpynmih ia ki kali tang mynta shipor jong ka aiom lehkmen na ka bynta ka kali Toyota Rumion. Kine ki kali kiba pynmih mynta tang shipor, ki don ia ki jingpyniphuh iphieng kiba kyrpang ba la tip kum ki Toyota Genuine Accessory (TGA) na ka bynta ban nang pynitynnad shuh shuh ia ka dur ka dar jong ka kali Rumion bad pynsuk pynaram ia ka jingniah kali.
Kine ki kali ba kyrpang ba la pynmih mynta ha kane ka aiom lehkmen jong ka Rumion, lah ban ioh ha baroh ki grade, ka wan ruh bad ka TGA ba shongdor 20,608, ban pyntikna ba ki nongthied kin ioh ia ki tiar ki tar kiba bha tam.Haba kren shaphang kane ka sienjam jong ka aiom lehkmen, U Sabari Manohar – Vice President, Sales-Service-Used Car Business, Toyota Kirloskar Motor, u ong, “Ngi sngewkmen ban ioh ban wanrah ia kine ki jingpynitynnad ia ka kali Toyota Rumion kiba pynmih mynta tang shipor ha ka aiom lehkmen, kiba ym tang ba ki pynitynnad bad pynaram bad pyntikna ba ka jingniah kali kan long kaba sngewtynnad. Katba ngi dang jan sha ki sngi jong ka aiom lehkmen haduh ban da poi ka Diwali, ka jingtrei ba radbah jong ngi ban ai ia kiei kiei kiba bha tam na ka bynta ki nongthied ka long kaei kaei kaba iaineh. Kane ka jingwanrah ia ki jingpynitynnad kiba kyrpang ha kane ka aiom leh kmen ka pyni ia ka jingaiti lut jong ngi ban ai kaba bha tam sha ki nongthied lyngba ka jingwanrah ia kine ki jingpynitynnad, ka jingpynjlang ia ka warranty bad ka jingshakri hadien ba la dep die, ia kaba la saindur ba kan long kaba iahap bad ki nongthied ha India.”
Ka Toyota Rumion ka la ioh bun bha ki briew kiba sngewtynnad ia kane ka kali namar ka long ka kali kaba biang bad ka kali MPV kaba iahap bad ka jingdonkam ha iing hasem, kaba long ka kali kaba kylluid hapoh, kaba donkam duna ka umphniang, kaba don ruh ki jingpyndait kiba khlain. Ka don ruh ia ka 5-speed manual transmission bad ka smooth 6-speed automatic transmission, khnang ba ka jingniah kali kan long kaba suk la ka long na ka bynta kiba niah manual ne automatic, lah ban ioh ia kane ka kali MPV ha ka K series 1.5-litre Petrol engine ryngkat bad ka Neo Drive (ISG) technology bad E-CNG technology. Ka K-series engine ka iarap ban pynduna ia ka jinglut umphniang bad ka ai haduh 20.51 km/l na ka bynta ka kali Petrol bad 26.11 km/kg na ka bynta kaCNG. Lah ban ioh ia ka Toyota Rumion ha ki hynriew tylli ki jait kata S MT/AT, G MT, and V MT/AT, S MT CNG khnang ba ki nongthied ki lah ban jied. Lah ban book ia ka Festival Limited Edition jong ka Toyota Rumion ha baroh ki jaka die kali Toyota, bad kumjuh ruh lyngba ka online da kaba leit sha ka www.toyotabharat.com/online-booking.
