Ka ri Azerbaijan ka la sakhi ia ka jingkiew sted ka jingleit kai ki nong India sha katei ka ri ha kine ki khyndiat snem. Katkum ka jingwad bniah jong ka snem 2023 ka kam jngohkai ka la kiew da kumba 100 na ka shispah, bad kumba 120,000 ngut ki nong India kiba leit sha Azerbaijan, kaba long ka jingkiew kaba bun ban haba nujor bad ka snem ba la dep. Ka Vi, kaba long ka shnat ba ai jinghakri ha ka kam telecom, ka la wanrah ia ka international roaming packs ba thymmai na ka bynta ka Azerbaijan bad 12 tylli kiwei pat ki ri Africa khnang ba yn lah ban pynbiang ia ki jingdonkam namar ka jingpaw jong kine ki ri. Ki nongpyndonkam ia ka Vi Postpaid mynta ki lah ban ioh ia ka jingpyniasoh jong ka mobile network jong ki ne connectvity khlem kano kano ka jingthut ha Azerbaijan bad kiwei ki ri Africa da kaba ioh ia kine ki international roaming packs kiba sdang ha ka dor 749 tyngka na ka bynta kiba leit sha Cameroon, Sudan, Rwanda, Ivory Coast, Liberia, bad South Sudan.
Ki nongpyndonkam ia ka Vi Postpaid kin ioh ban jied shibun ki pack ba kynthup ia ka pack ba 24 kynta ne 24-hour pack, ka pack ba 10 sngi ne 10-day pack, ka pack ba 14 sngi ne ka 14-day pack, bad ka pack ba 30 sngi ne ka 30-day pack khnang ba kin lah ban pyniasoh bad ka network haba ki leit sha bar ri. Ka Vi ka don ia ka lad ai jingshakri ba la tip kum ka ‘ALWAYS ON’ kaba iada ia ki nongleit kai shabar ri ba kin lait ban shah ot bun than ka pisa haba ki pyndonkam ia ka pack hadien ba la kut ka sngi jong ka.
Ka Vi ka wanrah ruh ia ka jingtyrwa sha ki nongpyndonkam ba kin ioh ka jingsuk haba pyndonkam ia ka international roaming pack ha ki 117 tylli ki ri ha kylleng ka pyrthei, kaba iarap ban pynsuk ia ka jingdonkam jong ki nongleit jingleit da kaba pynrung shuh shuh sa kiwei pat ki ri, bad pyntikna ruh ba ki lad jingshakri ki long kiba biang ha ka dor kaba duna..
