Namar ka jingbuh jong ki nongshong shnong ka India kiba leit sha bar ri bad ban leit sha ki jaka kylleng ha Central bad West Asia, kawei na ki kompany ba paw ha ka liang ka jingshakri telecom ka Vi, ka la pyllait paidbah ia ka Postpaid International Roaming pack ba thymmai na ka bynta ban leit sa sha ki lai tylli ki ri kata ka – Kazakhstan, Uzbekistan, bad Jordan. Ki nongyndonkam ia ka Vi ki lah ban bteng ia ka connection jong ki ha ki 120 tylli ki ri bad ka dor jong kane ka connection ka long tang 649 tyngka. Ka Vi ka la buh sa ia ka ri Kazakhstan, kaba long ka ka ri kaba don ia ka human space flight ba nyngkong kata ka Cosmodrome, nangta ka la ai ruh ia ka connection na ka bynta ka ri Uzbekistan, da kaba pynpaw ia ka khana jong ka ri ba pawnam ka Samarkand, bad Jordan, kaba don ia ki jaka leit kai ba itynnad kum ka Dead Sea bad Petra, bad kine ki ri kidei ki ri bun bha ki nong India ki leit kai bad kidei ki jaka leitkai ba pawnam bha hapdeng ki nong India.
Ki nongpyndonkam ia ka Vi postpaid ki lah ban jied na bun jait ki roaming pack kiba kynthup ia kito kiba tang 24 kynta, ka pack ba 10 sngi, ka pack ba 14 sngi, ba ka pack ba 30 sngi na ka bynta ba kin iai bteng ban pyniasoh ia ki bad ka network haba ki leit jingleit shabar ri. Ka Vi ka don ruh ia ka bynta treikam ba la tip kum ka ‘ALWAYS ON’ kaba iada ia ki nongpyndonkam ban lait na ka jingshah ot pisa kaba heh na ka bynta ka International Roaming Charges lada pyndonkam ia ka hadien ba la pack jong ki ka la lut ka jingtreikam.
Ka Vi ka trei radbah ban wanrah ia ka international roaming pack kaba biang tam na ka bynta ka jingdonkam jong man la I nongleit jingleit. Dang shen, ka Vi ka la wanrah ia ka Postpaid Roaming Packs na ka bynta ka ri Azerbaijan bad ki katto katne ki ri ha African ruh kumjuh. Da kaba pyntikna ba kin long kiba biang ka dor bad kaba suk ban ioh, ki nongpyndonkam ia ka Vi Roaming pack kin ioh ia ka minute kaba biang haba ki phone, kin ioh ruh ia ka data kaba biang, bad SMS, kaba pynsuk bad duna dor khnang ba kin nongleit jingleit kin lah ban pyniasoh ia lade ha shi lynter ka jingleit jong ki bad ha kajuh ka por kin ioh ia ka jingsnew tynnad haba ki leit wad ia kiei kiei kiba thymmai bad ioh mad ia kiei kiei kiba pher.
