Ym dei ban duna 18 hajar vote ia ka NPP  na Mawkyrwat : ong ka Kong Ampareen

Ka kyrtong MP ka NPP na Shillong Parliamentary konstitwensi, ka kong Ampareen Lyngdoh ka la ong ba ki paidbah mynta ki dei ban ai lad sa ia ka NPP na Shillong Parliamentary konstitwensi ba kan kham khlain shuh shuh ban iasaid ia ka jylla ha Parliament. Haba kren ha ka jingialang nongkitkam ka NPP Mawkyrwat, ka kong Ampareen ka la pynshai ba ka jingkren ka MP ka Tura ka Agatha K Sangma ha Parliament ka kyrshan ia ka Citizenship Amendment Bill (CAB) 2019, namar ba ka rah ia ka rai jong ka iing dorbar ka Meghalaya ba ka kren shai ha ka jylla Meghalaya ba ki 60 ngut ki MLA, ki la bthah ia ka sorkar kmie ba kam bit ban wan ban pyntreikam ia ka CAB kaba la kylla sha ka ain Citizenship Amendment Act (CAA), ha jylla Meghalaya bad namar kane ka daw la shim khia ka Agatha.

Ka la ong ba ki paidbah kim dei ban shu ngeit kulmar ia ki jingmih ha social media khlem da tip ia ka jingshisha. Ha kane ka jingialang, ka kong Ampareen ka la kyrpad ruh ia ki nongtreikam ka NPP ka Mawkyrwat konstitwensi kiba la kular ban pynjop ia ka, ki dei ban pynthikna ba ka jingioh vote jong ka na kane ka konstitwensi kan ym duna ia ka 18 hajar vote.  “Shisien ba phi la kular ban phah ia ka longkmie, nga shu khein beit ba la kumno kumno, ym dei ban duna ia ka 18 hajar vote ia ka NPP nangne na Mawkyrwat,” ong ka kong Ampareen

Ka kong Ampareen ka la ong ba kam lah ban kular eiei ia ki paidbah hynrei ka jingkular ka long tang ka jingtrei shitom na bynta ki paidbah khlem ka pisa. Ka la ong ruh ba kam kwah ban pynlong kamkai ia ka sain pyrthei ban ia wohnia ha lynti ha surok hynrei ka kwah ban iakynduh ia ki nongtrei shwa ban tur sha madan lyngkha. Ha kane ka sngi, la ioh ruh ia ka jingkren na u MDC ka Mawkyrwat bah Carnes Sohshang, u CEM bah Pyniaid Sing Syiem, u bah HM Shangpliang bad kiwei ki nongialam ka NP