U samla Menangmankhraw Kharkongor jong ka St.Anthony’s, uba la ioh ia ka First Position ha ka HSSLC Arts ula ong ba, ym shim la shah pynthud ha ka rynsan lyngba ka Social Media namar um don Mobile Phone haduh mynta.Haba kylli ha kane ka juk mynta bun ki khynnah ki lap miet ha ki rynsan Social Media bad ha kano ka dur u pynkhreh eksam ban lait na ka jingpynngop ha kane ka bynta, u Samla Menangmankhraw ula ong, “Ha ka jingshisha, ngam pat ioh phone bad kiei kiei ki jingdonkam ba nga ioh na skul bad kumjuh na ki paralok nga ju ioh beit na ka phone jong I Mei bad kumta I Mei i ju pyni ia nga bad ngan sa ioh ia ki jingtip”.Une u samla ula ong ba u don ia ka jingthrang ha ka jingim jong u hynrei ka por kan sa batai hynrei un ieh ha ka jingpyniaid jong u Blei bad ula ong ruh ba u don ia ka jingthmu ban iakhun ia ka Civil Service Exams.
Haba pynkhreh ia ka eksam, u Menangmankhraw ula ong, ba ula khreh kot tista baroh shisnem bad kam ju don satia kano kano ka jingbuh por katno kynta ban khreh kot namar ka iapher na kawei ka sngi sha kawei pat.Katba u Gaurav Bharali ba ioh First Position ha ka HSSLC Arts ula ong, ba ula shimkhia ia kiei kiei baroh bad ula leh bha beit kat lah kat iai bad ban trei shitom wat la kadei ka test kaba tang 5 mark ruh.
Ula ong, ba ym ju buh por ia ka rukom khreh kot ka jongu bad haba u don iaka jingsngewtynnad ban khreh kot u bteng beit ban khreh ia ka kot khlem da pyrwa eiei ia ka por U Gaurav ula kyntu ruh ia kiwei pat ki khynanh pule ba ki dei ban shimkhia thikna ia kaei kaei kaba ki leh bad ban lehbha kat kaba ki lah namar kam don kano kano ha ka jingim ka ban shu wan ei hynrei ka donkam ban trei shitom hi nalade ban ioh ia kaei kaba kwah.
