U Chancellor ka University of Science & Technology, Meghalaya (USTM) u Mahbubul u la ong ba ym don mano mano ruh ba lah ban khang ia ki samla pule jong ka University ba kin iohkam ha kano kano ka bynta jong ka Ri.
Ia kane u heh ka USTM u la jubab halor ka jingbyrngem u Myntri Rangbah ka Jylla Assam u Himanta Biswa Sarma uba la pynbna ba ki samla ba pass na ka USTM kin ym lah satia ban thep kam Sorkar hapoh Assam.
“Ka pule puthi ka dei ka kam kaba iaibteng. Ym don mano mano ruh ba lah ban khang ia kino kino ki samla kiba pass na kano kano ka University hapoh ka Ri bad wat nabar ka Ri. Ha kine ki sngi ba mynta, ka jingiohkam ka shong ha ka jingpass bha ha ki eksam” la ong u Hoque.
“Kumjuh ruh, ia ki kam rit kum ka kam nonghikai, mynta ngi don ia ka CTET, State TET, kumta kino kino kiba pass, ym don ba lah ban khang ia ki. Ka dei kaba shu pyntieng pynsmiej ia ki samla pule hynrei ngi la pynsngewthuh ia ki” u la ong.
U heh ka USTM u la pyntip baka USTM ka dei ka A Grade University bad u la bynrap daka ba ong “Ngi dei napdeng ki 200 tylli ki University ba biang tam hapoh ka Ri bad baroh ki certificate ki dei kiba la ai da ka Sorkar India”.
