U Myntri ka tnad bording ka sorkar jylla u AT Mondal hynne ka sngi u la pyntip ba haduh mynta ka tnad kam pat don kano kano ka jingthmu ban pyntreikam ia ka jingot bording (Load Shedding) ha ka jylla.
Haba kren sha ki lad pathai khubor, u Mondal u la iathuh ruh ba lada nujor bad u snem ba la dep ka Jylla naduh u bnai Iaiong ka jingpynlip bording ka la sdang da ki 7 kynta ha sor bad 9 kynta ha nongkyndong.
U Mondal uong ruh ba mynta u snem, ka jingiakren pynlip bording kam pat don bad lehse lada wan kloi u slap ki lah ban lait na kane ruh. “Haduh mynta, ka Jylla ka dang pahuh bording bad ka jingshah ot bording ha ki katto katne ki bynta kadei hi namar ka jingshah pynjulor ki Wire haka eriong lane la ot khnang iaka bording namar dang iatreikam ki nongtrei ka MeECL” la ong u Mondal.
