Ym pat lah sei ki pulit ïa ka metïap ha kshaid Thup Thup

Ki nongkhat Syiap haka janmiet jong ka 3 tarik u iaiong 2024 kila lap ia kawei ka Metiap kaba paw tang ki kjat ha kawei ka thwei jong ka kshaid Thup Thup, ka kshaid kaba don hajan ka shnong Wei-Mynsier kaba hap ha Eastern West Khasi Hills District.
Katkum ka jingiathuh u sordar ka shnong Wei-Mynsier u bah Sharmistar Kurbah ula ong ba hadien ba kitei ki nongkhat shyiap kila lap ia katei ka metiap kila iathuh ha u trai uba ai bylla iaki ban khat shyiap na katei ka wah bad u tei u rangbah ruh mar mar ula wan ban iathuh ha u.
U bah Kurbah ula iathuh ruh ba ka shnong haka step kaab bud ka 4 tarik u iaiong 2024 ban pyntikna la kata ka metiap kadei shisha ne em kumba la iathuh da ki nong khat shyiap kala phah iaki briew na shnong bad leit peit bad hadien ba la lah ban pyntikna baka dei shisha ka metiap ka shnong kala pyntip noh sha ki bor pulit.
U bah Kurbah ula iathuh ba ki pulit kiba la poi ha katei ka jaka kim shem la lah ban sei ia katei ka metiap haduh mynta watla kila ioh ban teh naki kjat bad la suba ba imat ka tei ka metiap ka sahkut ha ki maw. U la isthuh ruh ba haduh mynta ym pat lah ban ithuh la katei ka metiap ka dei jong u shynrang ne ka kynthei.