Yn ai Free Coaching Class ka KSU ban pynkhreh ïa ka CUET Exam

Ka Khasi Student Union, North Khasi Hills District lyngba ka Education Cell, lyngba ki lad pathai khubor ka la pyntip ba kan pynlong ïaka jinghikai ei (Free Coaching Class) naka bynta ki khun samla kiba la pyndep ïaka Class XII kumaun iakiba dang ap iaka result class 12 kiba pynkhreh ban ïakhun ïaka Common University Entrance Test (CUET) ban rung class sha ki College bapher bapher haka jylla bad shabar jylla.

U General Secretary ka KSU North Khasi Hills District, Samla James Hitler Mawphniang  u la ong ba ka seng kala pynkhreh ban ai jinghikai ei naka bynta ki khun samla kiba pynkhreh ban ïakhun ïaka CUET Exam naka bynta ki Under Graduate ha ka jingïatreilang ryngkat bad ka El Elyon Institute kaba don ha Nongpoh Town Shopping Complex.

Shuh shuh u la iathuh ka jingshim khia daka seng ban pynlong ïa katei ka jingai jinghikai sha ki samla kadei namar katei ka exam bala pynlong da ka NTA ka dei kaba dang thymmai ïa kiba bun ki khun samla bad ki donkam ka jinghikai bad ka jingbtin lynti ba kin tip kumno ban pynkhreh bad ban ïakhun ïaka eksam CUET.

U la pyntip ruh ba ïaki form la pynlait naduh mynta ka sngi haduh ka 19 tarik Ïaiong 2024 bad ka klas kan sdang naduh ka 22 tarik Ïaiong naduh ka por 3 baje janmiet ha kaba u la kyrpad ïaki khun samla ka district Ri-bhoi ban shim kabu naka bynta ban ioh ïa katei ka jinghikai ei bad naka bynta kiwei pat ki khun samla na kiwei ki district ki bym lah ban wan sha Ri-Bhoi ki lah ban leh lyngba ka Online Mode.