Ka tnat Animal Husbandry and Veterinary ka Sorkar Meghalaya ka la ioh jingmynjur ne No Objection Certificate ban tei ia ka Quarantine Health Check Gate ha Ri Bhoi District. Ia kane la pyntip da u president ka All Meghalaya Poultry Farmers Association (AMPFA) u Bah Daminot Sylliang hadien ka jingiakynduh ia u Myntri ka tnat Animal Husbandry u Bah AL Hek. Haba kren sha ki lad pathai khubor, u Bah Daminot ula iathuh katkum ka jingiakren bad u Myntri ka Health Check Gate yn tei ha 20 Mer ha jaka ba don ha Toll Gate, Ri Bhoi District ha ka jinglut kumba T. 13 klur. “Haba iadei bad kane, ka seng naduh ki por ba mynshwa ka la dep buh da ki dorkhas ban tei noh daka Quarantine Health Check Gate ha ki thain khappud ka Meghalaya-Assam ban eksamin ia ki mrad ha shuwa ban pynpoi sha Meghalaya” la ong u Bah Daminot. U Bah Daminot ula kam ba kane ka jingdawa ban buh da ka Health Check Gate ka dei ban pynthikna ba ki mrad ba pynpoi sha Meghalaya ban bam ki paidbah, ki long kiba koit ba khiah.
“Ngi dap da ka jingkmen ba ka Sorkar ka la dep ban thied ia ka jaka bad ka la ioh jingmynjur ia ka song pisa ban tei iaka Health Check Gate ha Ri-bhoi District” ula ong.Nalor kane u Bah Daminot ula iathuh baka AMPFA kala dawa ruh na u Myntri ka tnat Animal Husbandry, ban pynmih daka Mission naka bynta ban iarap iaki nongri syiar jong ka Jylla. “Ia kiba ri sniang, ka Sorkar ka pynmih da ka ‘Piggery Mission’ iaki ri Masi da ka ‘Milk Mission’ bad ia ki ba ri dohkha da ka ‘Aquaculture Mission’ hynrei haduh mynta ka Sorkar Jylla kam shym la pyntreikam ia ka Mission naka bynta ki nongri Syiar” ula ong.
U president ka AMPFA ula iathuh ba tang ha Ri-bhoi district, donkam palat 50,000 tylli khun syiar ia ka ki nongri syiar ki hap thied na sha bar ka Jylla. Ula ong baka Jylla ka don ka jaka pynkha khun syiar lane ka Hatchery jong ka Sorkar Jylla ha Kyrdem Kulai Ri-bhoi district hynrei kane kam dei jong ki syiar pham. “Nalor ba ka Jylla kam lah ban pynmih syiar kham bun bad ka hap thied khun syiar na sha bar ka Jylla, ki nongri syiar ki hap ruh ban thied ki dawai, ki jingbam syiar bad teng teng, wat iaki Doctor hap phah wan na sha ba.
