Ka Earthbanc ka la pynbna ka jingplie ia ka Meghalaya Reforestation and Sustainable Livelihoods Project ka ban thaw thymmai ia ka jylla Meghalaya ha thain Lammihngi ka ri India.
Ia kane ka projek yn iatreilang bad ka Astra Zeneca, Earthtree, Hill Farmers Shiitake Mushroom Coop Society bad ka Worldview Impact (India).
Ia kane ka project la pyllait ha ka jingrakhe ia ka Meghalaya Farmer’s Day, ha ka jingialang ba la plie da u Myntri Rangbah ka jylla ka u Conrad Sangma ryngkat ka jingdonlang ka Myntri ka tnad ka rep ka riang ka Dr. Mazel Ampareen Lyngdoh.
La donlang ruh ki dkhot nongmihkhmat na Sweden embassy & British High Commission bad ki nongmihkhmat na AstraZeneca lem kiwei de.
Ia kane ka project ban thaw thymmai ia ka Meghalaya la kyrshan da ka AZ forest da ka jingthmu ban kyrshan ia ki nongrep.
Kumba 200,000 tylli ki dieng la thung bad mynta ka jingtrei ban pynbha ia ka khyndew bad ka um ka la iaid shakhmat khnang ban lah ban thung shuh shuh da ki million tylli ki dieng ha u 2024.
Ka Managing Director Worldview Impact (India), ka kong Ibadaphunshisha Blah, ka la ong “Ngi sngewtynnad ban iatreilang ban pyntreikam ia kane ka projek bad ban pyniar shuh shuh ia ki prokram ai jinghikai.
U Dr Sanjeev Panchal, Country President and Managing Director ka AstraZeneca India, u la ong, “Ha AstraZeneca, ngi ithuh ba ka kam na bynta ban pyndap pynbiang kadei kaba donkam na bynta ban thaw ia ka lawei kaba itynnad ia ki paidbah, ka imlang sahlang. Lyngba ka khlaw AZ, ngi pyndonkam ia ka teknoloji saian na bynta ban thung dieng biang khnang ban ioh jingmyntoi lut ha baroh ki liang.
+ There are no comments
Add yours