Ka Convocation kaba 11 jong ka National Institute of Technology (NIT) Meghalaya kan long ha ka 19 tarik Risaw ha State Convention Centre, Shillong. Iaka Convocation yn pyniaid da u Suvamoy Saha, Managing Director, Eveready Industries India Ltd haka jingdon lang u Prof. Avinash Kumar Agarwal, Director, Indian Institute of Technology Jodhpur, Maj Gen Rajesh Kumar Jha, AVSM (Retd.), Director (Personnel), NEEPCO Ltd, u Chairman ka Board of Governors jong ka NIT Meghalaya, u Sunil Alagh. Ha kane ka Convocation yn pynkup burom ia ki 193 ngut ki Scholar, kynthup 140 ngut ki B.Tech, 9 ngut ki M. Tech, 23 ngut ki M. Se bad 21 ngut ki PhD Scholars. Ha kane ka sngi ai khusnam ia ki takma ksiar bad rupaiaki samla pule na ka bynta ka jingtbit ha ka jingpule, bad ia ka takma President’s Gold sa ki samla pule ba ioh kyrdan ‘Best Graduate’.
Lyngba ka jingshimkhia jong u Chairman, u Sunil Alagh, la seng ïa ka takma ksiar Chairperson Gold Medal, bad yn ai ïa ka sha ka kynthei kaba la pyndep ïa ka kyrdan pule ba tbit tam (B.Tech). Lah ban kdew ba iaka NIT Meghalaya shen yn sa kynriah noh sha ka jaka pule ba pura ha Sohra, ha kaba la pynwandur ïa ka jaka pule kaba thymmai tam. Ka jaka pule kaba thymmai ka kynthup ïa ki jaka pule, ki hostel, ki jaka bam, ki jaka sah, ki jaka treikam, ki jaka test, ka jaka buh tiar pdeng, ka jaka buh kot pdeng bad ka jaka IT kaba la tbit bha. Ha u snem 2024, kane ka jaka pule ka la buh ha ka kyrdan ba 68 ha ka kyrdan Engineering da ka NIRF, da kaba kiew saw kyrdan na ka kyrdan ba 72d jong ka ha u snem 2023. Ka NIT Meghalaya ruh ka dei kaba la buh kyrdan da ka Indian Institutional Ranking Framework (IIRF) ha ka kyrdan ba 88 na ka 1720 jong ka India. Ha ka Expo-2024 ha u Kyllalyngkot, ka NIT Meghalaya ka la ioh ia ka khusnam 1st Prize na ka bynta ki jinglah kiba bha ha ka kyrdan pule Higher Education.
Ka NIT Meghalaya ka bud ia ka polisi bhah kam lane ka State Reservation Policy ban bhah kyrpang ia ki jaka shong jong ka Jylla trai bad ka pynsuk ia ka jinghikai ba bha na ka bynta ki riewlum jong ka Meghalaya. Kane ka jaka pule ka lah ban sngewsarong ban buh ia ki samla pule jong ka ha ki kam kiba heh ka tulop ha ki seng bapher bapher kum ka Microsoft, Amazon, Gap, Hindustan Petroleum, JP Morgan & Chase, bad Bharat Petroleum, ban jer tang katto katne. Ka jaka pule ka long kaba la pynbeit ha ka jinghikai, ka jingwad bniah bad ka jingai jingmut bad ka ialeh shitom ban pynmih ia ki lad ki lynti kiba iarap ban pynurlong ia ki jingangnud jong ki briew ha ka thain bad ha ka thain. Ka institute ka la pdiang ia phra tylli ki shnong, ha kaba ngi pynbha ia ka jinglong jingman jong ki nongshong shnong lyngba ki jingthmu kum ka jingpynbiang ia ki sharak sngi, ki kor pynkhuid um, ki tiar thoh skul, bad ka jaka kit um. Kane ka jaka pule ka don ia ki MoU bad ki katto katne ki seng ha India bad shabar ri, bad dang shen, ki nonghikai na kane ka jaka pule ki la leit sha Vietnam bad Sharjah ban khring ia ki samla pule bad ki jingiatreilang nabar ri. Mynta ki don 39 ngut ki samla pule nabar ri kiba pule ha NIT Meghalaya.
