Ka tnad jngohkai ryngkat bad ka tnad ka rep ka riang ka jylla kin pynlong ia ka tamasa Sohshan ne “Strawberry Festival” ka ban sdang naduh 5 tarik haduh 13 tarik ïaiong, 2024 ha kylleng ka jylla ban kyntiew ia ka rep ka riang ryngkat ka kam jngohkai. Lah ban kdew ba ka tnad Horticulture ka la shim ia ka sien jam ban pyniar ia ka jingrep bad pynmih ia u Sohshan ne Strawberry lyngba ki skhim na ka Sorkar Pdeng bad Sorkar Jylla.
Ka jingkheit ia u Sohshan ka la sdang mynta bad ki jaka rep ia une u soh ha ka shnong Syntung bad Nohron ha East Khasi Hills, Umktieh bad Sohliya ha Ri Bhoi, Baladinggre, Darechikgre, Durakantragre ha West Garo Hills kin pynlong ia ka Strawberry Festival.
La khmih lynti kane ka tamasa kan khring ia ki paidbah khamtam haba kin ioh ia ka lad ban kheit hi ia u Sohshan na ka jaka rep, ban mad ia ka waiñ, jingshna ia ka Jam, ban iaid kai ha ki kper Sohshan, ban sngap ia ki jingtem jingput bad ki prokram kiba ia dei bad ka kolshor. Ha katei ka tamada yn die ruh ia ki symbai Sohshan.
+ There are no comments
Add yours