Yn pynmih Circular ka MeECL ban phah peitngor ioh pluh ding namar ka jingthut ka bording

U Myntri ka tnat bording u A.T Mondal ula pyntip ha ki sngi ban wan ka tnat kan sa pynmih da ka jingbthah lane Circular sha baroh ki ophis treikam jong ki tnat Sorkar ban peitngor haba ia dei bad ki Wire lane ki tiar ba pyndon da ka bording. Kane ka wan hadien ar sngi ba suba ba don ka jingthut bording kaba pynlong ka jingpluh ding kaba la bam duh ia ka ia ka ophis treikam Shillong Bar Association (SBA) ha ka miet 24 tarik Rymphang.

Haba pyntip ia kane u Mondal u la pyntip ba ki don ki jingbthah na ka MeECL haba ia dei bad ki sienjam ban shim naka bynta ban iada naka jingpluh ding kaba lah ban wan jia namar ka jingthut ka bording lane Short Circuit.“Ngi la shim iaka rai ban pynmih daka jingbthah lane Circular sha baroh ki tnat treikam ba ki pyrkhing bha iaki Wire bad kiwei ki tiar bala rim ba pyndonkam bording ioh don kano kano ka jingthut lane Short Circuit” la ong u Mondal.

U Mondal u la pyntip ba kane ka Circular kan dei ruh naka bynta baroh ki ïing shimet ha baroh kawei ka Jylla. U la ong ba ki Wire bad ki tiar ba pyndonkam bording ki don ka snem ba kut ban pyndonkam bad ki paidbah ruh kidei ban peitngor ban kylla ne bujli noh lada ki la rim.