Yn shimti u SC Sadhu kum u DC East Khasi Hills

Ka Sorkar Jylla ha ka 6 tarik mynta u bnai ka la pynbna ba la thung ia u SC Sadhu kum u Deputy Commissioner (DC) ba thymmai ka East Khasi Hills District. Lyngba kane ka jingpynbna, ka mut ba u SC Sadhu uba bat kum u Secretary ka Tnat C&RD bad Forest & Environment bad kiwei un shimti ia ka kam DC ha ka jaka ka kong R.M Kurbah.

Ka jingpynbna lane ka Notification ka Tnad Personnel & AR (A) ka la pyntip ba ia ka kong R.M Kurbah la pynkynriah kum ka Secretary ka Tnat Community & Rural Development, Fisheries, Water Resources, AH& Veterinary Deptt bad kumjuh ruh kum ka Director ka C&RD.

Nalor kane ka Sorkar ka la pynkynriah kam ruh ia ki 17 ngut ki Ophisar MCS kiba bat ia ki kam Additional Deputy Commissioner jong ki District bapher bapher hapoh ka Jylla.