U Symbud Myntri Rangbah ka jylla u Bah Prestone Tynsong, ula pyntip ban sdang biang ban shna surok Shillong Dawki Road bad ki Deputy Commissioner jong ka East Khasi Hills bad Ri Bhoi ki la dep ban aiti ia ka jaka na ka bynta ban shna ia ka Shillong Western Bypass. Haba iakren bad ki nongpathai khubor hadien ba la wai ka jingialang u Bah Prestone ula ong, ba ki kam ki la iaid shakhmat ban shna biang ia ka surok Shillong Dawki Road bad ka Shillong Western Bypass.
U Bah Prestone ula ong, ha kaba ia dei bad ka Shillong Western Bypass, ki Deputy Commissioner ka Ri Bhoi bad East Khasi Hills District ki la dep ban aiti ia katto katne ki jaka sha ka NHIDCL. Ula ong, ba shen yn sa aiti noh ia ki jaka baroh ban shna ia ka surok sha ka NHIDCL bad ia ka Work Order la dep ban aiti sha ki Kontraktor.
Ula pyntip ba mynta ki la sdang biang ban bteng ha ka jingshna ia ka surok Shillong-Dawki la ka dei ka Four Lane ne ka Package I, II bad IV.Ha kane ka jingialang kaba la lum da u Bah Prestone, la wan ban iashimbynta lang da u Chief Secretary ka jylla u Bah DP Wahlang, ki heh ophisar sorkar, ki heh naka tnad National Highways & Infrastructure Development Corporation Ltd (NHIDCL) bad kiwei kiwei.
