Ka Sorkar Jylla kan thaw ia ka Tribal Research Department hapoh ka Cpt Williamson Sangma State University hadien ba la pyntreikam ia kane ka skulbah banyngkong eh jong ka Meghalaya. Kane ka jingthaw ia ka Tribal Research Department ka dei ban ailad ia ki samla pule ban wad bniah riti dustur, ka niam ka rukom, ka ktien thyliej, ka put ka tem jong riewlum napoh ka Meghalaya bad na kiwei pat ki Jylla. Haba pyntip ia kane u Myntri ka tnat Pule Puthi, u Rakkam Sangma ula ong ba ia kane ka rai ban thaw iaka Tribal Research Department hapoh ka Cpt Williamson Sangma State University kadei naka bynta ban pynneh pynsah iaka jingtip shaphnag ki riewlum.
U Rakkam ula ong ba ki don shibun ki riti dustur, ka niam ka rukom, ka ktien thyliej, ka put ka tem jong rielum kiba la sdang jah noh namar kata donkam ban wad bniah iaki ban ban bsuh haki lynnoh pule (Curriculum) jong ki samla pule khnang ba hadien hadub ka lawei ban wan, kin shaphang lut shaphang ki riewlum.“Tharai ka riewlum ka skulbah Cpt Williamson Sangma State University jong ka Meghalaya kan dei ka skulbah kaba nyngkong eh hapoh India ban thaw daka Tribal Research Department ban lum jingtip halor ki riewlum” la ong u Rakkam.
U Rakkam ula iathuh ba hadien bala weng noh iaka MCC, ka tnat Pule Puthi kan shong bishar iaki Application thekma Vice Chancellor jong ka Cpt Williamson Sangma State University bad hadien kata donkam ruh ban thung Registrar, donkam ban pynkha iaki tnat bapher bapher nalor ka Constitution jong ka skulbah bad ki lynnong (Curriculum) jong ki samla pule.“Namar ki dang don bun ki kam ban hap pyndep, nga tharai ia kane ka skulbah ym lah ban sdang pyntreikam naduh mynta u snem hynrei nga thikna ba u 2025 ka Cpt Williamson Sangma State University kan treikam pura noh” ula ong.
