Ka kynhun NCC ba 20 ngut jong ka Jylla Meghalaya ba la mihkhmat ia ka North Eastern Directorate ha ka Republic Day Camp 2024 ha New Delhi ka la shah pynkup burom hynne ka sngi ha u Lat ka Jylla u Phagu Chauhan ha Raj Bhavan, Shillong. La pynkup burom da ki momento ryngkat ka song pisa. Haba ai jingkren u Lat ula iaroh ia ka jingtbit jong ki khynnah NCC ban iaid parade ha sngi rakhe ia ka Republic Day bad ka jingstad ki nongialam ban jied ia ki khynnah ba kynsai na kane ka thain. Ula pynpaw ka long ka kabu ia ki khynnah NCC kum ki nonglamktien ban pyni ia ka jingriew spah ka jylla ha ka rti dustur naduh ki longshwa bad ia ki riam tynrai nylla.
U Lat ula pynkynmaw ia ka dor jong ka akor ka burom bad ka jingieit ri ka don don ha ki khynnah NCC, ula kyntu ba kin iaid bteng ia kane ban pyni ha ki paidbah ia ka dor nongialam ha ka jingiaid lynti, la ka long ha ka jingpule ka kam shipai, ka koit ka khiah, ka kam enjiniar ne kiwei kiwei na bynta ka jingbha. Ula wer ia baroh ki ophisar NCC bad ki khynnah ban iai bat ia ka jinglong len lade ban long shlur, bad ka jingkyrmen ban synniang ia ka ri ha ki kam pynroi kum ki nongialam. Ha ka jingialang u Lat ula sngewbha da ki momento sha ka NCC North East Region Directorate (NER Dte) bad ka NCC unit Meghalaya NCC halor ka jinglah ban ai jingshakri ia ka Ri bad ka jaid bynriew kum ka kynhun NCC.
Ha ka Republic Day camp ka long kum ka jingiakynduh lang baroh ki National Cadet Corps (NCC) ban ai training man u snem bad kumba 1,800 ngut ki khynnah NCC na kylleng ka ri ki shim bynta. Na ki 1 lak ki khynnah ka thain Lammihngi, mynta u snem 170 ngut na NER Directorate ki la shim bynta ha ka camp, na kine 20 ngut ki dei na ka kynhun ha Shillong. Ka NCC NER Dte ka don ha baroh 7 tylli ki jylla ka thaim lammihngi ha kaba palat 1Lak ki khynnah NCC bad ki la trei ki kam pynroi ha ki shnong, ban aibor ia ki samla, ki kam rung krem bad ban iarap haba lynshop mariang.
La iathuh 11 ngut ki khynnah ki la trei kum ki shipai ophisar, 276 ngut kum ki shipai Agniveers bad 120 ngut kum ki CAPF ha u snem la dep. Ha ka jingialang pynkup burom la donlang u Principal Secretary u Lat, u Harish Chandra Chaudhary, IFS, u Additional Director General ka NCC, North Eastern Region, Maj Gen Gagan Deep, Group Commander, NCC Shillong, Brigadier VijayantMahadik, ophisar NCC, ki khynnah bad ki nongshah khot sngewbha.
