Ka Toyota Kirloskar Motor (TKM) ka la pynbna ba la pynmih ia ka kali ha ka grade ba thymmai kata ka GX+, ha ka thup jong ka Innova Crysta. Ka TKM ban wanrah ia kiei kiei kiba bha tam kiba paw shai ba ki long ka jingaiti lut jong ka kompany ban pynmih ia ki kali ia kiba la shna na ka bynta ban pynbiang katkum ka jingkwah jong ki nongthied. Da ka jingshna pynthymmai ia ki kali hapoh jong ka thup jong ka Innova Crysta, ha kane ka kali thymmai kata ka Innova Crysta GX+ grade la buh shuh shuh sa 14 tylli ki bynta ba thymmai, kaba nang pynitynnad ia ka kali, kaba pynlong ia ka kali ban treikam bha, bad nang kham pynsuk shuh shuh ia ka jingniah kali.
Ka Innova Crysta GX+ ka don ka ia ki jingtreikam kiba kham bha shuh shuh kum ka jingdon jong ka camera nadien, ka jinglah ban khylliap ia ka iit da kaba khnion ia ki budam ne auto-fold mirror, DVR, bad kumjuh ruh ka jingpynitynnad ia ka kali kata ka long ka jingdon jong ki alloy ba la ot ha ha ka dur jong ki mawlynnai ne diamond-cut alloy, ka jingdon jong ki panel ba la shna da ka dieng, bad ka jingsop ia ki seat da ka jain ba rem dor. Kane ka kali ka don kaba 7 bad 8 tylli ki jaka shong, lah ban ioh ia ka GX+ grade ha ki san tylli ki rong kata ha ka rong,Super White, Attitude Black Mica, Avant-Garde Bronze Metallic, Platinum White Pearl bad Silver Metallic bad man la kine ki rong ki long kiba i itynnad bad kiba nang pyni tynnad shuh shuh ia ka kali.
Ka don ruh ia ka 2.4L Diesel Engine kaba khlain bad kaba don ia ka 5 speed Manual Transmission kaba lah ban niah ha ka rukom niah ba tip kum ka Eco bad Power drive. Da ka jinglah ban die haduh 10,50,000 tylli naduh ba pynmih ia ka ha ka snem 2005, ka Innova Crysta ka iaibteng ban long ka lahduh ha ka iew. Lah ban ioh ia Innova Crysta ha ki san tylli ki grade jong ka Diesel Manual Transmission, kaba sdang naduh 21,39,000 tyngka. (ha ki jaka die kali) U Sabari Manohar – Vice President, Sales-Service-Used Car Business, Toyota Kirloskar Motor u ong, “Ngi sngew shlur ba kane ka kali kaba pynmih thymmai kan iai bteng ban khring ia ki briew bad kan nang kham pynskhem shuh shuh ia ka nam jong ka kali Innova ba ka long ka kali MPV ba ieid bha da ki nong India.”
